زجل للشاعر محمد دومو : منتخبنا رجال فالتيران

أنفاس بريس 24: الكاتب و الشاعر محمد دومو

حل عينك وشوف مزيان
منتخبنا رجال فالتيران
سايرين لݣدام ومتجندين
غازمين وهازين لعلام
من جيل ال جيل سايرين
يخدمو بلادهم من زمان
يفرحو لمغاربة لحرار
بلفراجة واللعب والتفنان

حل عينك وشوف مزيان
منتخبنا رجال فالتيران
وخدام ملكهم و لبلاد
يتصارعو باللعب النزيه
على لقب يهديوه ال عباد
ثيقتهم فالله والعمل الرزين
منتخبنا غادي و كيزيان
شاقين طريقهم ال أمام

حل عينك وشوف مزيان
منتخبنا رجال فالتيران
ماتش من بعد ماتش كيبان
لا فرق بينات اللعابة لحرار
منتخبنا لاعب ناشط
بجماعة اللعابة كيان واحد
تعلمات المدرب لمجرب
منقولة بالحرف فالملعب

حل عينيك وشوف مزيان
منتخبنا رجال فالتيران
مغاربة من زمان حرار
واللعايبية على الوطن خدام
كلام قالوه ناس زمان
الخادم يا السامع هو سيد الرجال

-بقلم: محمد دومو
-مراكش/ المغرب